Alice Kaboyo
| Ekikula | mukyala  |
|---|---|
| Ensi y’obutuuze | Yuganda |
| Erinnya eriweereddwa | Alice |
| Ennimi z'amanyi | Lungereza |
| Omulimu | munnabyabufuzi, legislator |
| Ekifo ky'alimu | State Minister for Luweero Triangle and Rwenzori Region, Omubaka wa Palamenti ya Uganda, Ex officio member of Parliament of Uganda |
| Okwesiimbawo kwe mu kalulu | Akalulu ka Uganda aka 2026 |
| Mmemba wa | 12th Parliament of Uganda |
Alice Kaboyo Munnayuganda, munnabyabufuzi. Ye Minisita omubeezi mu Offiisi ya Ssaabaminisita ku nsonga za Luweero Triangle n'ekitundu kya Rwenzori. Yaliko omukulembeze alina obumanyirivu mu kukwanaganya, okukunga n'okulondoola obuweereza bw'abantu saako n'ogwa kalabaalaba w'emirimu gya Minisitule y'e Luweero Triangle.[1][2]
Ebyafaayo
[kyusa | kolera mu edit source]Alice Kaboyo Kizibwe w'omukyala w'omukulembeze w'eggwanga era minisita w'ebyenjigiriza n'ebyemizannyo, Janet Museveni.
Emirimu egyasooka
[kyusa | kolera mu edit source]Kaboyo yakolako nga omuweereza mu state house.[3] Uganda Radio Network yafulumyaako nti yeyali akulira ekitongole kya NRA Archives era nga akola ng’omuwabuzi wa pulezidenti omukulu akwatagana n’emirimu gy’ennono mu NRA, omuli okutegeka olugendo lw’abaazirwanako n’enteekateeka z’okuzimba museum ya NRA e Kanyara, Nakaseke District.[4]
Minisita w'eggwanga
[kyusa | kolera mu edit source]President Yoweri Museveni yalonda Kaboyo okuweereza nga Minisits w'Eggwanga mu ofiisi ya Ssaabaminisita w'ekitundu kya Luweero Triangle-Rwenzori nga 8 Ogwomukaaga 2021.[5] Akakiiko ka Palamenti akavunaanyizibwa ku kulondebwa kaasooka kugaana kukkiriza kulondebwa kwe mu Ogwomukaaga 2021.[6] Nga 6 Ogwomusanvu 2021, Uganda Radio Network yategeeza nti akakiiko kakkiriza okulondebwa kwe oluvannyuma lw'okuddamu okwetegereza.[7]
Nga Minisita, Kaboyo yadukanya neyetaba mu nteeketeeka za gavumenti mu bitundu by’omulimu gwe, omuli okuwagira abaazirwanako n’enteekateeka z’ebizimbibwa bya gavumenti.[8][9]
Palamenti
[kyusa | kolera mu edit source]Kaboyo alabikira ku lukalala lwa Palamenti ya Uganda olw’ababaka ba Palamenti ey’ekkumi n’ekimu ng’omukiise eyaliko memba.[10]
Obukuubagano
[kyusa | kolera mu edit source]Kaboyo nga tannaba kufuuka minisita, okulondebwa kwe kwagaanibwa nga kino kyava ku nsonga z'obutaba mwesimbu n'obuli bw'enguzi. Newankubadde gwali gutyo, erinnya lye lyakomezebwawo mu Lukiiko lw'eggwanga olukulu okukakasibwa, Olukiiko olulonda lwakubirizibwa Omumyuka w'omwogezi w'Olukiiko lw'eggwanga Olukulu Anita Among era eyagaana okulondebwa kwa Alice nga entabwe eva ku kubeera nti Kkooti erwanyisa obuli bw'enguzi yali yamuvunaanako mu mwaka gwa 2012. Yavunaanibwa omusango gw'okukozesa obubi yaafeesi ye bwe yeenyigira mu mivuyo gy'obuli bw'enguzi mu buvujjirizi okuva mu kitongole ki Global Alliance for Vaccines and Immunization (GAVI).[11] Yavunaanibwa nga ali wamu n'abantu abalala basatu okuli, eyaliko minisita w'ebyobulamu,, Jim Muhwezi, wamu n'abamyuka be, Mike Mukula ne Alex Kamugisa.[12]
Laba ne
[kyusa | kolera mu edit source]Ebijuliziddwamu
[kyusa | kolera mu edit source]- ↑ "The Cabinet". State House of Uganda. Government of Uganda. Retrieved 2025-12-15.
- ↑ "Minister Kaboyo hands over Seventh Civilian Veteran House in ongoing effort to honour Civilian Veterans". Office of the Prime Minister. Government of Uganda. 2025-07-24. Retrieved 2025-12-15.
- ↑ "Parliament rejects Kaboyo ministerial appointment". The Independent. 2021-06-17. Retrieved 2025-12-15.
- ↑ "Museveni, Bush War Veterans End Six-Day Long Trek". Uganda Radio Network. 2020-01-11. Retrieved 2025-12-15.
- ↑ "Parliament Rejects Kaboyo Ministerial Appointment". Uganda Radio Network. 2021-06-17. Retrieved 2025-12-15.
- ↑ "Parliament Rejects Kaboyo Ministerial Appointment". Uganda Radio Network. 2021-06-17. Retrieved 2025-12-15.
- ↑ "Parliament Makes U-Turn on Kaboyo's Ministerial Appointment". Uganda Radio Network. 2021-07-06. Retrieved 2025-12-15.
- ↑ "Minister Kaboyo hands over Seventh Civilian Veteran House in ongoing effort to honour Civilian Veterans". Office of the Prime Minister. Government of Uganda. 2025-07-24. Retrieved 2025-12-15.
- ↑ "Minister Kaboyo Commissions New Classroom Blocks for Historic Kasese School". Office of the Prime Minister. Government of Uganda. 2025-12-02. Retrieved 2025-12-15.
- ↑ "Members of the 11th Parliament as at 03 August 2021" (PDF). Parliament of Uganda. Retrieved 2025-12-15.
- ↑ https://www.newvision.co.ug/news/1302478/gavi-kaboyo-guilty-fined-sh20m
- ↑ https://ulii.org/en/akn/ug/judgment/ughcacd/2013/6/eng@2013-03-13