Benna Namugwanya
Benna Namugwanya Bugembe nga mukusooka yali ayitibwa Benna Namugwanya. Yazaalibwa 21 Ogwomwenda 1967 Munnayuganda munnabyabufuzi . Yeeyali Minisita omubeezi ow'ekibuga Kampala mu Kabineeti ya Uganda . Yalondebwa mu kifo ekyo nga 6 Ogwomukaaga 2016. [1] Yaweereza ng’Omubaka omukyala akiikirira Disitulikiti y'e Mubende mu Paalamenti ey'ekkumi (2016–2021). [2]
Obuto bwe n’okusoma kwe
[kyusa | kolera mu edit source]Benna yazaalibwa nga 21 Ogwomwenda 1967, mu Disitulikiti y’e Mubende eya leero. Yasomera ku Saint Edwards College, e Bukuumi, nga leero ye Disitulikiti y'e Kakumiro ku misomo gye egy'omutendera gwa siniya ey'okuna (O-level). Yakyusa n’agenda ku Saint Kizito High School Bethany, e Ngugulo mu Disitulikiti y'e Mityana leero ku misomo gye egy'omutendera gwa siniya ey'omukaaga (A-level). [2] Mu 1989, yaweebwa ekifo ku Ssettendekero wa Makerere, mu Kampala, ekibuga ekikulu era ekisinga obunene ekya Uganda. Yatikkirwa mu 1992 ne ddiguli esooka mu by'enjigiriza . Oluvannyuma mu 2006, yunivasite y'emu yamuwa ddiguli eyokubiri mu byenjigiriza. Benna Namugwaya era alina dipuloma mu kukulembera abakozi n'okubalabirira , gyeyafuna okuva mu ttendekero lya Uganda Management Institute mu 2007 ne Satifikeeti mu mateeka ag'enzirukanya y'emirimu, ey'amuweebwa ekitongole kya Law Development Center mu 2009. [2]
Emirimu gye
[kyusa | kolera mu edit source]Omulimu gwe ogwasooka gwali gwa busomesa ku ssomero lya siniya erya Alliance High School nga yaweereza mu kifo ekyo okutuusa mu 1995. Olwo yakyusa n’agenda ku Saint Augustine College e Wakiso, n’asomesa eyo okuva mu 1996 okutuuka mu 1998. [2]
Mu 1998, Benna Namugwanya yapangisibwa Disitulikiti y'e Mubende, ng’omulambuzi w’amasomero, nga y’aweereza mu kifo ekyo okumala emyaka mukaaga. Mu 2004, yakuzibwa okutuuka ku kifo ky’omuyambi w’akulira eby'enjigiriza mu Disitulikiti y’e Mubende, n’aweereza mu kifo ekyo okumala omwaka gumu. Mu 2005, yaddamu okukuzibwa okutuuka ku kifo kyakola ng’akulira eby'enjigiriza mu Disitulikiti, nga y’aweereza okumala emyaka ebiri mu kifo ekyo. Yafuuka akulira eby'enjigiriza mu Disitulikiti mu 2007, n’aweereza mu kifo ekyo okutuusa mu 2010. [2]
Mu 2011 yayingira eby'obufuzi bya Uganda eby'okulonda ng'avuganya ku kifo ky'omubaka omukyala akiikirira Disitulikiti y'e Mubende, wansi wa tikiti y'ekibiina ky'ebyobufuzi ekya National Resistance Movement ekiri mu buyinza. Yawangula era n'addamu okulondebwa mu 2016. [2] Mu lukalala lwa kabineeti, olwafulumizibwa nga 6 Ogwomukaaga 2016, Namugwanya yalondebwa ku bwa Minisita omubeezi w'ensonga z'ekibuga Kampala, ng'amyuka Beti Olive Namisango Kamya-Turomwe, Minisita wa kabineti omujjuvu. [3]
Laba ne
[kyusa | kolera mu edit source]Ebijuliziddwa
[kyusa | kolera mu edit source]- ↑ Uganda State House (6 June 2016). "Museveni's new cabinet list At 6 June 2016" (PDF). Archived from the original (PDF) on 7 October 2016. Retrieved 11 June 2016.
- 1 2 3 4 5 6 POUG (8 October 2017). "Parliament of Uganda: Members of the 10th Parliament: Namugwanya Bugembe Benny". Parliament of Uganda (POUG). Archived from the original on 21 March 2018. Retrieved 8 October 2017.
- ↑ http://www.statehouse.go.ug/media/news/2016/06/06/president-announces-new-cabinet
Uganda State House (6 June 2016). "Museveni's new cabinet list At 6 June 2016" (PDF). Daily Monitor. Kampala. Archived from the original (PDF) on 7 October 2016. Retrieved 11 June 2016.
- POUG (8 October 2017). "Parliament of Uganda: Members of the 10th Parliament: Namugwanya Bugembe Benny". Kampala: Parliament of Uganda (POUG). Archived from the original on 21 March 2018. Retrieved 8 October 2017.
- Presidential Press Unit (6 June 2016). "President announces new Cabinet". Entebbe: State House Uganda. Retrieved 8 October 2017.