Jenipher Namuyangu

Jenipher Kacha Namuyangu nga naye Jennifer Namuyangu Byakatonda kyokka atera okuyitibwa Jennifer Namuyangu munayuganda munnabyabufuzi era omukugu mu by'obutonde bw'ensi . Ono wa kibiina ky’eby'obufuzi ekya National Resistance Movement . Ye Minisita omubeezi owa Gavumenti ez'ebitundu mu kabineti ya Uganda . Yalondebwa ku kifo ekyo nga 6 June 2016. Emabegako yaliko Minisita w'eggwanga ow'eby'obugagga by'amazzi, okuva nga 1 June 2006 okutuuka nga 27 May 2011. Mu nkyukakyuka mu kabineti nga 27 May 2011, yagobwa mu kabineti n’asikizibwa Betty Bigombe . Era yaweereza nga omubaka wa Palamenti eyalondebwa ku mubaka wa Palamenti ow’omubaka w’abakyala mu disitulikiti y’e Pallisa, okuva mu 2001 okutuuka mu 2011. Mu mwaka gwa 2010, Disitulikiti y’e Pallisa yayawulwamu ebitundu bibiri, okutondawo Disitulikiti y’e Kibuku . Namuyangu yavuganya ku kifo kya palamenti mu ssaza ly'e Kibuku mu Disitulikiti y'e Kibuku . Yakubiddwa Saleh Kamba ku bubonero bungi.

Gyenvudde n'Okusoma

Namuyangu yazaalibwa mu Disitulikiti y'e Kibuku nga 27 Ogw'omusanvu 1968.

Namuyangu yasomera mu Kibuku Secondary School okusoma O-Level, nga tannakyuka n’agenda mu Iganga Secondary School, gye yamalira emisomo gya A-Level. Yakkirizibwa mu yunivasite y’e Makerere, yunivasite esinga obukadde mu Uganda, n’atikkirwa diguli eya sayansi mu by'ebibira, mu 1993. Diguli ey'okubiri eya Sayansi mu kusimba ebibira nayo yagifuna okuva mu yunivasite y’e Makerere, mu 1996.

Emirimu

Okuva mu 1994 okutuuka mu 1996, yaweereza ng’omubaka w’abavubuka mu buvanjuba bwa Uganda mu lukiiko lwa National Resistance Council, ekitongole kya palamenti mu kiseera ekyo. Okuva mu 1997 okutuuka mu 1998, yaweereza ng’Omusomesa mu ttendekero ly’ebibira erya Nyabyeya Forestry College mu Disitulikiti y’e Masindi . Oluvannyuma yeegatta ku minisitule y’ettaka n’obutonde bw’ensi, mu kitongole ky’ebibira, ng’akulira enkulaakulana y’ensibuko y’ensigo, n’aweereza mu kifo ekyo okuva mu 1998 okutuuka mu 2001.

Mu 2001, yaddamu okwegatta ku byobufuzi era n’alondebwa okukiikirira abakyala ba Disitulikiti y’e Pallisa mu palamenti. Yaddamu okulondebwa mu kifo kye kimu mu 2006. Wakati wa 2003 ne 2006, yaweerezaako nga Minisita omubeezi Ow’amakolero . Yalondebwa nga Minisita w'eggwanga ow'ebyobugagga by'amazzi nga 1 June 2006, n'aweereza mu kifo ekyo okutuusa nga 27 May 2011. Wakati wa 2013 ne 2016, yali mmemba w'akakiiko ka minisitule y’ebyensimbi, okuteekateeka n’enkulaakulana y’eby'enfuna .

Namuyangu y’omu ku baminisita ba gavumenti abawerako n’ababaka ba National Resistance Movement abaawangulwa mu kalulu k’ekibiina kyabwe ne bajeemera ekiragiro kya Pulezidenti Museveni, obutayimirira nga beetongodde, mu kifo ky’ekyo ne beewaayo okuyimirira nga abesimbyewo ku bwa palamenti abetongodde mu 2011. Yavuganya ne munna NRM munne, Saleh Kamba (eyali omubaka wa Palamenti mu kiseera ekyo era nga ye yakwatira bendera ya NRM) ku kifo kya "Kibuku County" n'akubwa n'enjawulo ennene ennyo.

Mu kulonda kwa palamenti okwa 2016, Namuyangu yavuganya ku ky'omubaka omukyala owa Palamenti mu disitulikiti y'e Kibuku, ku tikiti y'ekibiina kya NRM. Yawangudde ey’abadde mu ntebe. Nga 6 Ogw'omukaaga 2016, yalondebwa okuba Minisita omubeezi owa Gavumenti ez’ebitundu.

Ebimukwatako ng'omuntu

Namuyangu mufumbo. Ono wa kibiina ky’eby'obufuzi ekiri mu buyinza ekya National Resistance Movement .

Laba ne

• Palamenti ya Uganda
• Kabineti ya Uganda
• Disitulikiti y'e Kibuku

Ebiyungo eby’ebweru

• Omukutu gwa Palamenti ya Uganda
• Olukalala lwa baminisita mu bujjuvu, June 2006 </link>< /link>
• Olukalala lwa baminisita mu bujjuvu, February 2009 </link>< /link>
• Olukalala lwa baminisita mu bujjuvu, May 2011