Sarah Mateke Nyirabashitsi

Sarah Mateke Nyirabashitsi (yazaalibwa 15 Ogw'omusanvu 1974) munayuganda munabyabufuzi era munaby'anjigiriza mu Uganda nga ye mukyala akiikirira Disitulikiti y'e Kisoro, era Minisita omubeezi ow'ekikula ky'abantu, abakozi n'enkulaakulana eyalondebwa mu 2021 Pulezidenti Yoweri Museveni mu... Palamenti ya Uganda ey’ekkumi n’emu.

Obulamu bwe obwasooka n’okusoma

Sarah Mateke Nyirabashitsi yazaalibwa mu ggombolola ye Chahi, Disitulikiti y’e Kisoro mu bitundu by’e Kigezi eri Philemon Mateke ne Joy Rwanfizi Mateka. Ono mwana wakusatu ku baana mukaaga mu maka gaabwe. Kitaawe yali munnabyabufuzi, yaliko Minisita omubeezi ow’ensonga z’ebitundu ate nnyina yali musomesa mukugu.

Nyirabashitsi yasomera mu Seseme Integrate School oluvannyuma ku Maryhill High School okusoma siniya. Yeegatta ku yunivasite y’e Bugema n’afuna diguli y'okudukanya bizinensi . Era alina diguli ey'okubiri mu by’obulamu okuva mu Yunivasite y’emu ne diguli ey'okubiri mu by’okuddukanya emirimu n’okuddukanya emirimu okuva mu Uganda Christian University .

Emirimu

Nyirabashitsi yayingira emirimu gya famire ye omuli okukola embaawo n'okutambuza. Ono ye mutandisi wa Nyirabashitsi Foundation gy’awagira abaana okwegatta ku masomero ga siniya ag’ekisulo okuva ku siniya emu okutuuka ku siniya ey’okubiri. Ye ssentebe w’olukiiko olufuzi olwa Metropolitan International University, Makerere Metropolitan Management Institute, Kampala.

Nyirabashitsi yeegatta ku bakozi ba gavumenti ng'akulira emirimu mu Kisoro town council. Mu 2021, yavuganya ku kifo ky’omukyala omubaka wa palamenti mu Disitulikiti y’e Kisoro era n’awangula Rose Kabagyeni eyaliko mu ntebe . Nyirabashitsi yalondeddwa okubeera Minisita omubeezi ow’ekikula ky’abantu, abakozi n’enkulaakulana (abaana n’abavubuka) ng’adda mu bigere bya Florence Nakiwala Kiyingi . Yeegattira mu kibiina kya National Resistance Movement .

Ebiyungo eby’ebweru

• BA MEMBERS ABA KABINETI NE MINISITA BW'EGGWANGA ELYA UGANDA